Շալվա Պապուաշվիլի. Լարին արժանապատվորեն դիմակայում է բոլոր մարտահրավերներին. դա հպարտության արժանի ժառանգություն է, որը իր բովանդակությամբ և արտաքինով լիովին արտահայտում է մեր ազգի արժանապատվությունը, պատմությունն ու գաղափարախոսությունը
Մեր կառավարությունն ամենամեծ դերակատարումն է ունեցել ինչպես տնտեսական քաղաքականության նոր բարձրության հասցնելու, այնպես էլ իրավական հարցերը կարգավորելու գործում, – այս մասին հայտարարել է Վրաստանի խորհրդարանի նախագահ Շալվա Պապուաշվիլին՝ լարիի հոբելյանական տարվա կապակցությամբ կազմակերպված համաժողովում իր ելույթի ընթացքում։
Պապուաշվիլու խոսքով՝ լարին որպես դրամական անվանում չպետք է կանգ առնի, այն պետք է շարունակի զարգանալ։
«Այսօր վրացական լարին արժանապատվորեն հաղթահարում է բոլոր մարտահրավերները և իսկապես հանդիսանում է հպարտության արժանի ժառանգություն, որը թե՛ իր բովանդակությամբ, և թե՛ իր արտաքինով լիովին արտահայտում է մեր ազգի արժանապատվությունը, պատմությունն ու գաղափարախոսությունը։ Լարը՝ որպես դրամական անվանում, չպետք է կանգ առնի։ Այն պետք է շարունակի զարգանալ՝ թարմացնել դիզայնը, հարմարվել նոր կարիքներին, թողարկել հոբելյանական թղթադրամներ և մետաղադրամներ։ Վրացական լարիի վերահսկողն ու խնամակալը Ազգային բանկն է, որը տարիներ շարունակ իրականացնում է հետևողական և պատասխանատու դրամավարկային քաղաքականություն։ Հենց Վրաստանի Ազգային բանկի առաջնորդությամբ մեր բանկային ոլորտն արդեն երկար տարիներ հանդիսանում է երկրի տնտեսության հենասյուներից մեկը։ Այն շարունակում է ամրապնդել վստահությունը թե՛ ներքին, և թե՛ միջազգային մակարդակներում՝ տանելով մեր երկիրը նոր հնարավորությունների ուղղությամբ։ Շնորհավորում եմ բոլորին վրացական լարիի 30-ամյակի կապակցությամբ։ Ցանկանում եմ, որ մեր ազգային արժույթի յուրաքանչյուր հաջորդ հոբելյան լինի ավելի ու ավելի մեծ ուրախության և հպարտության առիթ», – հայտարարել է Շալվա Պապուաշվիլին։
