Շալվա Պապուաշվիլի. Ֆրանսիայում երկրորդ ամենահայտնի ուժի առաջնորդին են ձերբակալելու, Գերմանիայում չեղարկելու են կուսակցություն, Թրամփին 561 տարվա ազատազրկում են սպառնացել, չես տեսնում քո աչքի գերանը և ուրիշի աչքի փուշն ես տեսնում
Ֆրանսիայում պատրաստվում են ձերբակալել երկրորդ ամենահայտնի քաղաքական ուժի առաջնորդին, Գերմանիայում՝ չեղյալ համարել երկրորդ ամենահեղինակավոր կուսակցությունը, Ամերիկայում նախագահի ընդդիմադիր թեկնածուին սպառնում էին 561 տարվա ազատազրկմամբ (բայց իրոք) և միայն նախագահ ընտրվելը օգնեց նրան: Գործը հետաքննող դատախազը հայտարարել է իր հրաժարականի մասին,- այս մասին սոցցանցում գրում է Վրաստանի խորհրդարանի նախագահ Շալվա Պապուաշվիլին։
«Այս մասին են ասում՝ չես տեսնում քո աչքի գերանը և ուրիշի աչքի փուշն ես տեսնում»,- գրում է Պապուաշվիլին։
Ի գիտություն՝ դատախազները պահանջել են, որ Մարին Լը Պենը մեղավոր ճանաչվի պետական միջոցների յուրացման մեջ, դատապարտվի ազատազրկման և առաջիկա հինգ տարում արգելվի պետական պաշտոններում առաջադրվել։
Միաժամանակ Բունդեսթագի տարբեր խմբակցությունների հարյուրից ավելի պատգամավորներ միջնորդություն են ներկայացրել Գերմանիայի խորհրդարան՝ արգելելու աջային պոպուլիստական «Այլընտրանք Գերմանիայի համար» կուսակցությունը։
Միաժամանակ, «New York Times»-ը հայտնում է, որ հատուկ դատախազ Ջեք Սմիթը, ով հետաքննում էր Դոնալդ Թրամփի դեմ երկու քրեական գործեր, նախատեսում է հեռանալ իր պաշտոնից մինչ Թրամփի երդմնակալությունը։