Էպշտեյնի սկանդալի պատճառով մենք տեսնում ենք տարբեր անհատների հրաժարականը մեկը մյուսի հետևից։ Այնպես որ, բոլորը պետք է հոգ տանեն իրենց Էպշտեյնի կղզու մասին,- ասել է Վրաստանի խորհրդարանի նախագահ Շալվա Պապաուշվիլին։

Լրագրողը հարց է ուղղել Պապուաշվիլիին. «Հելսինկյան հանձնաժողովում Վրաստանի հարցի քննարկումից մի քանի ժամ առաջ մենք իմանում ենք, որ հանձնաժողովում սկանդալ կա։ Մասնավորապես, Հելսինկյան հանձնաժողովի նախկին բարձրաստիճան պաշտոնյան մեղադրում է ներկայիս անդամներին կոռուպցիոն գործարքների, ֆինանսական խախտումների մեջ՝ շրջանցելով «FARA»-ն։ Նրանց թվում նա խոսում է Էպշտեյնի սկանդալի հետ կապված կոնկրետ անձանց մասին։ Ի՞նչ է ցույց տալիս այս ամենը»։

Պապուաշվիլիի խոսքով՝ սա այլևս քաղաքակրթական խզում չէ, այլ մարդկային։

«Վերջերս Էպշտեյնի և նրա կղզու շուրջ ծավալվող սկանդալի ֆոնին մենք մեկը մյուսի հետևից տեսնում ենք տարբեր բարձրաստիճան պաշտոնյաների և դիվանագետների հրաժարականներ՝ թե՛ ԱՄՆ-ում, թե՛ Եվրոպայում։ Այս ֆոնին, երբ մենք լսում ենք քննադատություն այս քաղաքական լանդշաֆտի մաս կազմող մարդկանցից, իհարկե, միակ արձագանքը, որը ի հայտ է գալիս, այն է, որ բոլորը նայեն իրենց Էպշտեյն կղզուն։ Շատ դժվար է տեսնել այն, ինչ հիմա բացահայտվում է, որ ամբողջ քաղաքական էլիտան ներգրավված է եղել։ Սա այլևս քաղաքակրթական բացթողում չէ, սա մարդկային բացթողում է, որտեղ պարզվում է, որ ամբողջ քաղաքական էլիտայի մեծ կամ նշանակալի մասը, կարևոր անհատները ներգրավված են եղել», – ասաց Պապուաշվիլին։