Վրաստանի խորհրդարանի նախագահ Շալվա Պապուաշվիլին սոցցանցում արձագանքում է Ռումինիայի Պատգամավորների պալատի և Սենատի համատեղ նիստում ընդունված «Մոլդովայի Հանրապետության, Ուկրաինայի, Վրաստանի և Արևմտյան Բալկանների եվրոպական հեռանկարի մասին» աջակցող բանաձևին:

Ինչպես նշում է խորհրդարանի նախագահը, Ռումինիայի աջակցությունն ու համերաշխությունը մեծ նշանակություն ունեն այս վճռորոշ պահին։

«Ցանկանում եմ իմ սրտանց շնորհակալությունը հայտնել Նիկոլաե Չուկային և Ռումինիայի խորհրդարանի հարգարժան պատգամավորներին՝ Վրաստանի եվրոպական հեռանկարի վերաբերյալ բանաձեւի ընդունմամբ մեր երկրին իրենց անսասան աջակցությունը հայտնելու համար։ Ձեր համերաշխությունը չափազանց կարևոր է այս որոշիչ պահին: Ռումինիայի խորհրդարանի երկու պալատների աջակցությունը Եվրամիությանն անդամակցելու ճանապարհին անգնահատելի է»,- գրել է խորհրդարանի նախագահը։

Ռումինիայի խորհրդարանը հավանություն է տվել Մոլդովայի, Ուկրաինայի, Վրաստանի և Արևմտյան Բալկանների եվրոպական հեռանկարին վերաբերող բանաձեւին։