Շալվա Պապուաշվիլի. Բրյուսելը խախտել է միջազգային համաձայնագիրը, ինչը ոչ պատշաճ վարք է, և այս հանգամանքից ելնելով դժվար է կանխատեսել, թե ապագայում ինչ որոշումներ կկայացնեն
Չկա որևէ հիմք վիզաների ազատ ռեժիմի կասեցման համար, սակայն, երբ որևէ մեկին անհրաժեշտ չէ հիմք, այլ պարզապես առիթ, ապա այդ առիթը միշտ էլ կգտնվի։ Հիշեցնեմ, որ դիվանագիտական և ծառայողական անձնագրերի համար վիզաների ազատ ռեժիմի կասեցման որոշմամբ Եվրոպական միությունն խախտեց Վրաստանի հետ կնքված միջազգային համաձայնագիրը, – այս մասին հայտարարել է Վրաստանի խորհրդարանի նախագահ Շալվա Պապուաշվիլին։
Նրա խոսքով՝ Եվրոպական միությունում մինչ օրս չեն նշել որևէ հոդված, որի հիման վրա կայացվել է այդ որոշումը։
«Բրյուսելը խախտել է միջազգային համաձայնագիրը, ինչը ոչ պատշաճ վարք է։ Հետևաբար, դժվար է կանխատեսել, թե ապագայում ինչ որոշումներ կկայացնեն, հատկապես երբ նկատում ես որոշ եվրոպական շրջանակների կուսակցական քաղաքական կողմնակալություն և Վրաստանի նկատմամբ վնասակար նպատակներ։ Որևէ իրական հիմք չկա։ Ինչ վերաբերում է կամայականությանը և պատրվակի որոնմանը, ապա մենք չենք կարող պատասխանատվություն կրել այդ կամայական և անբարեխղճ վարքի համար», – հայտարարել է Պապուաշվիլին։
Այսօր հայտնի դարձավ, որ Եվրոպական խորհուրդը և Եվրոպական խորհրդարանը պայմանավորվել են երրորդ երկրների հետ վիզաների ազատ ռեժիմի կասեցման կարգի վերաբերյալ։