Ապրիլի 9-ը մեզ համար միշտ կմնա անձնազոհության և, միևնույն ժամանակ, ազգային հպարտության օր,- այս մասին սոցցանցում գրում է Վրաստանի խորհրդարանի նախագահ Շալվա Պապուաշվիլին։

Ինչպես նշում է խորհրդարանի նախագահը, 1991 թվականի ապրիլի 9-ին Վրաստանի առաջին նախագահ Զվիադ Գամսախուրդիան խորհրդարանի պալատում հայտարարեց Վրաստանի անկախության վերականգնման մասին՝ դրանով ընդմիշտ կապելով 21 զոհված հերոսների հիշատակը ազատության նվաճման հետ։

«Ապրիլի 9-ը մեզանից յուրաքանչյուրի համար մեծ ցավի և միաժամանակ հաղթանակի խորհրդանիշ է։ 1989 թվականի ապրիլի 9-ին Ռուսթավելի պողոտայում խորհրդային բանակը դիմակայեց ազատության գաղափարով համախմբված վրաց ժողովրդին։ Մահացել է 21 մարդ, որից 17-ը՝ կանայք։ Այս սարսափելի ողբերգությամբ ամբողջ աշխարհը ճանաչեց անկախության համար պայքարող հպարտ Վրաստանին, որը պայքարում էր իր և այլ հանրապետությունների ազատության համար նույնիսկ խորհրդային օկուպացիայի տակ։ 1991 թվականի ապրիլի 9-ին Վրաստանի առաջին նախագահ Զվիադ Գամսախուրդիան խորհրդարանի պալատում հայտարարեց Վրաստանի անկախության վերականգնման մասին՝ այդպիսով ընդմիշտ կապելով 21 զոհված հերոսների հիշատակը ազատության նվաճման հետ։ Ահա թե ինչու ապրիլի 9-ը մեզ համար միշտ կմնա անձնազոհության և, միևնույն ժամանակ, ազգային հպարտության օր։ Ես խոնարհվում եմ զոհված հերոսների առաջ, ովքեր հաջորդ սերունդներին նվիրումի օրինակ են տվել և մեզ սովորեցրել անկախության կարևորությունը»,- գրում է Շալվա Պապուաշվիլին։