«Հապճեպ ակտիվիզմը Բրյուսելի ներկայիս արտաքին քաղաքականության ցավալի դեմքն է», – այս մասին գրել է Վրաստանի խորհրդարանի նախագահ Շալվա Պապուաշվիլին սոցիալական ցանցում։

Նրա խոսքով՝ հոկտեմբերի 4-ին երկիրը սահմանի վրա էր՝ 90-ականների վերադարձից։

«Եվրահանձնաժողովի այդ խոսնակի կողմից խրախուսված և ոգեշնչված մարդիկ հոկտեմբերի 4-ին հանցագործության ճանապարհով գնացին։ Այդ օրը մեր երկիրը հազիվ խուսափեց արյունալի քաոսից և 90-ականների վերադարձից։

Այս պահին արդեն 62 մարդ է ձերբակալված և սպասում է պատժի։ Մինչդեռ խոսնակը, արդեն երկու շաբաթ է, թաքնվում է հոկտեմբերի 4-ի բռնության մեջ իր պատասխանատվությունից՝ մաշված քարոզչական ձևակերպումների հետևում՝ վրացիներին դիմելով էթնիկ բնորոշումներով։

Հապճեպ ակտիվիզմը Բրյուսելի ներկայիս արտաքին քաղաքականության ցավալի դեմքն է», – գրել է Պապուաշվիլին։

Հիշեցնենք, որ Եվրահանձնաժողովի խոսնակ Անիտա Հիպերը հայտարարել էր, թե «Վրացական երազանքը» ձեռնարկում է ռեպրեսիվ միջոցներ, որոնք ոգեշնչված են ռուսական քարոզչական մեքենայից։