Շալվա Պապուաշվիլի․ Մենք տեսանք բռնության դատապարտում Ալբանիայում, Ֆրանսիայում և Իտալիայում, սակայն Վրաստանի պարագայում դա չտեսանք։ Պատասխանը պարզ է․ այս բռնության հետևում կանգնած էին հենց Բրյուսելը և նրա «շոշափուկները»

Մենք տեսել ենք Եվրոպական միության և Եվրոպական հանձնաժողովի հայտարարությունները՝ կապված Ալբանիայի և Ֆրանսիայի հետ, որոնցում նրանք դատապարտում են բռնի ցույցերը։ Սա հենց այն է, ինչին մենք՝ և անձամբ ես, վաղուց կոչ էինք անում ԵՄ-ին և ԵՄ դեսպանին՝ դատապարտել բռնությունը։ Պարզվում է՝ նրանք, այնուամենայնիվ, ի վիճակի էին դա անել»,- հայտարարել է Վրաստանի խորհրդարանի նախագահ Շալվա Պապուաշվիլին։

Ինչպես նշել է Պապուաշվիլին, Եվրոպական միությունը բազմիցս հնարավորություն է ունեցել դատապարտելու բռնությունը և բռնի բողոքի ակցիաները Վրաստանում, սակայն տարիների ընթացքում նման հայտարարություններ չեն հնչել։

«Հարցը բավականին պարզ է. մենք պետք է նման հայտարարություններ լսեինք ԵՄ-ից դեռ 2019 թվականի հունիսի 20-ին, բայց չլսեցինք։ 2020 թվականին՝ ընտրություններից հետո, երբ «Ազգային շարժումը» հարձակվեց Կենտրոնական ընտրական հանձնաժողովի (ԿԸՀ) վրա, ԵՄ-ից ոչ մի հայտարարություն չհնչեց։ Նման հայտարարություններ պետք է լսեինք նաև 2021 թվականի մարտին, երբ «Ազգային շարժումը» և Նիկա Մելիան ամրացել էին իրենց կուսակցական գրասենյակում՝ կարծես ամրոցում, իսկ ԵՄ դեսպանները այցելում էին նրան՝ փաստացի խրախուսելով այդ բռնությունը։ Ոչինչ չլսեցինք 2022 թվականի հունիսին, երբ ԵՄ-ի կողմից ֆինանսավորվող հասարակական կազմակերպությունները փորձեցին տապալել կառավարությունը՝ խորհրդարանի շենքի դիմաց անցկացվող հանրահավաքի ժամանակ։ Ոչինչ չլսեցինք 2023 թվականի մարտին, երբ տխրահռչակ Լազարե Գրիգորիադիսը «Մոլոտովի կոկտեյլով» հրկիզեց ոստիկանին։ Ոչինչ չլսեցինք 2024 թվականի մայիսին, երբ «Թափանցիկության մասին օրենքի» ընդունման ընթացքում խորհրդարանի ներսում բռնություններ տեղի ունեցան, իսկ Ռուսթավելիի պողոտայում կիրառվեցին «Մոլոտովի կոկտեյլներ»։ Ոչինչ չլսեցինք 2024 թվականի նոյեմբերին՝ ընտրություններից հետո, երբ ԵՄ ներկայացուցիչները, այդ թվում՝ տարբեր երկրների խորհրդարանականներ և հանձնաժողովների նախագահներ, կանգնած էին այստեղ և հանրությանը դրդում էին «Մայդան» կազմակերպել։ Ոչինչ չլսեցինք 2025 թվականի հոկտեմբերի 4-ին, երբ մի ամբոխ՝ հրահրված ոչ ավել, ոչ պակաս՝ Եվրոպական հանձնաժողովի Եվրոպական միությունը բազմիցս հնարավորություն է ունեցել դատապարտելու այս բռնությունը, բռնի բողոքի ակցիաները, ինչպես նաև հարձակումները խորհրդարանի և նախագահական պալատի վրա, սակայն մենք ոչ մի անգամ որևէ արձագանք չենք լսել։ Բնականաբար հարց է ծագում՝ ինչո՞ւ։ Ինչո՞ւ Ալբանիայի, Ֆրանսիայի և Իտալիայի դեպքում մենք տեսանք նման գործողություններ, իսկ Վրաստանի պարագայում՝ ոչ։ Կարծում եմ՝ պատասխանը պարզ է. հենց այդ խմբերը՝ Բրյուսելն ու նրա «շոշափուկները», կանգնած էին այս բռնության հետևում։ 2019 թվականի հունիսի 20-ից մինչ օրս ներգրավված անձինք ֆինանսավորվել են հենց նրանց կողմից։ Նրանք, ովքեր դիմում են բռնության, ֆինանսավորվում են Եվրոպական միության դրամաշնորհներով։ Հենց ԵՄ դրամաշնորհներով ֆինանսավորվող անհատներն են փորձում գրոհել և հրկիզել խորհրդարանն ու նախագահի աշխատակազմի շենքը։ Եվ հենց ԵՄ-ի կողմից ֆինանսավորվող անձինք են «Մոլոտովի կոկտեյլներ» ու քարեր նետում ոստիկանների վրա և հրկիզում տարբեր շենքեր, — հայտարարել է Պապուաշվիլին։

Նա հավելել է, որ Վրաստանում բռնություն հրահրելով՝ Բրյուսելը «բռնությունը բերել է իր իսկ տուն»։ Սա է ճշմարտությունը. եթե հոկտեմբերի 4-ին ԵՄ դեսպանն ու Եվրոպական հանձնաժողովը որոշեին դատապարտող հայտարարություն անել, ապա նրանք պետք է դատապարտեին հենց իրենց, քանի որ հենց Եվրոպական հանձնաժողովն ու Եվրոպական միությունն էին այդ անհատներին դրդել բռնության։ Հոկտեմբերի 4-ի իրադարձությունների ողջ պատասխանատվությունն ընկնում է Եվրոպական միության և նրա դեսպանի խղճի վրա։ Այն բռնությունն ու ամբոխը, որին ականատես եղանք 2025 թվականի հոկտեմբերի 4-ին (երբ փորձ արվեց գրոհել նախագահական պալատը), ամբողջությամբ հրահրված էին նրանց կողմից։ Սա է ճշմարտությունը. նրանք այժմ պետք է ուղիղ նայեն այս ճշմարտությանը և գիտակցեն, որ պատասխանատու են հենց այն պատճառով, որ հրահրել և ֆինանսավորել են այս բռնությունը Վրաստանում։ Բրյուսելը նախ այդ ամբոխին «Մոլոտովի կոկտեյլներով» դուրս է բերում բարիկադների վրա, իսկ հետո թողնում է նրանց բանտում՝ դրանով իսկ պատրվակ ստեղծելով Վրաստանի վրա հարձակվելու համար՝ նրանց բանտարկության փաստն Բրյուսելն այստեղ վառ օրինակ է. եթե դուք աջակցում և ֆինանսավորում եք դա… «Բռնությո՞ւն։ Բռնություն կստանաք հենց ձեր իսկ տանը», — հայտարարեց Վրաստանի խորհրդարանի նախագահը։