Ռուսաստանի արտաքին գործերի նախարար, Սերգեյ Լավրովը հայտարարել է, որ Ռուսաստանի և Եվրամիության միջև պառակտումը սկսվել է շատ վաղուց, ինչի մեջ Ռուսաստանի արտգործնախարարը մեղադրում է Բրյուսելին: Տեղեկատվությունը տարածում են ռուսական լրատվամիջոցները:

Լավրովի խոսքով, Ռուսաստանը պատրաստ է վերականգնել հարաբերությունները Եվրամիության հետ, եթե Բրյուսելը դադարի վնասել այդ հարաբերություններին:

«Մենք պատրաստ ենք քննարկել հիմնախնդիրները: Երբ դա բխում է Ռուսաստանի շահերից, մենք համագործակցում ենք կլիմայի փոփոխության հարցում, բայց հենց այդ հարաբերություններն են կանխամտածված ոչնչացվել Բրյուսելի կողմից: Ընտրությունը Եվրամիությանն է: Եթե նա որոշի, որ անհրաժեշտ է վերականգնել հարաբերությունները և դրանք վերադարձնել, մենք պատրաստ կլինենք դրան», – ասել է Լավրովը:

Միևնույն ժամանակ, Լավրովը նշել է, որ Ռուսաստանը մտադիր է շարունակել փոխշահավետ հարաբերությունները Եվրոպայի հետ:

«Մենք չպետք է Եվրամիությունը շփոթենք Եվրոպայի հետ: Մենք Եվրոպայից ոչ մի տեղ չենք գնում: Մենք շատ ընկերներ ունենք Եվրոպայում: Մենք կշարունակենք խորացնել նրանց հետ երկկողմ հարաբերությունները», – ասել է Լավրովը: