Ռուսաստանը հույս ունի, որ բանակցությունները Ուկրաինայի հետ կշարունակվեն, հայտարարել է Ռուսաստանի արտաքին գործերի նախարար Սերգեյ Լավրովը։

Լրագրողի հարցին, թե ինչ քայլեր է ձեռնարկել Մոսկվան ուկրաինական հակամարտության կարգավորման համար, Լավրովը նշել է, որ Ռուսաստանի նախագահ Վլադիմիր Պուտինի նախաձեռնությամբ վերսկսվել են ռուսական և ուկրաինական կողմերի միջև ուղիղ բանակցությունները։

«Ստամբուլում անցկացվել է երեք փուլ, և որոշակի առաջընթաց է գրանցվել մարդասիրական հարցերում՝ ռազմագերիների և կալանավորների փոխանակում, մահացածների մարմինների վերադարձ և այլն։ Բացի այդ, կողմերից յուրաքանչյուրը արտահայտել է հակամարտության ավարտի պայմանների իր տեսլականը։ Պատվիրակությունների ղեկավարները անմիջական կապի մեջ են։ Մենք ակնկալում ենք, որ բանակցությունները կշարունակվեն», – ասել է Լավրովը։

Բացի այդ, Ռուսաստանի արտաքին գործերի նախարարը նշել է, որ Ուկրաինայի ճգնաժամի խաղաղ կարգավորումը մնում է Ռուսաստանի համար առաջնահերթություն։