ԱՄՆ սենատոր Մայք Լին ասել է, որ ԱՄՆ-ի կողմից տարիներ շարունակ Ուկրաինային տրամադրված օգնությունն օգտագործվել է կոռուպցիան ֆինանսավորելու համար: Մայք Լին այս մասին գրել է սոցիալական ցանցերում:

«Մեզանից ոմանք տարիներ շարունակ զգուշացնում են, որ ԱՄՆ-ի օգնությունը Ուկրաինային ֆինանսավորում է մեծ մասշտաբի կոռուպցիա։ Նրանք, ովքեր մտահոգություններ են հայտնել, պարբերաբար պիտակավորվել են որպես «Պուտինի սիրահարներ» և մեղադրվել ռուսական ագրեսիային աջակցելու մեջ։ «Միասնական կուսակցությունը և ռազմարդյունաբերական համալիրը դա արել են», – գրել է Մայք Լին X-ում։

Բացի այդ, Մայք Լին կիսվել է Fox News-ի հաղորդավարուհի Լորա Ինգրամի գրառումով, որտեղ նա գրում է, որ նմանատիպ կոռուպցիոն սխեմաների միջոցով ծախսվել է 220 միլիարդ դոլար։

«Ամենայն հավանականությամբ, ԱՄՆ-ի կողմից Ուկրաինային հատկացված միլիարդավոր դոլարները հայտնվել են Զելենսկու գլխավոր օգնականների շվեյցարական մասնավոր հաշիվներում։ Ինչ խարդախություն։ Ծախսվել է 220 միլիարդ դոլար։ Զելենսկու գլխավոր օգնականը հրաժարական է տվել կոռուպցիոն հետաքննությունների խորացման պատճառով», – գրել է Լորա Ինգրամը։