Սալոմե Զուրաբիշվիլի. Ես դիմում եմ Մայա Սանդուին, Մայա, հուսով եմ, որ այսօր ձեր հաղթանակի օրն է լինելու, ուզում եմ Զելենսկիին ասել, մենք գիտենք, որ նա կպայքարի մեզ համար, նա կլինի հաղթող, և մենք միասին կմտնենք Եվրոպա
Ազատությունից ու խաղաղությունից ավելի թանկ բան չկա, այսօր այստեղ է համայնքը, այն վրացիները, ովքեր Եվրոպա են մտնում խաղաղ, արժանապատիվ և որպես վրացիներ, Ազատության հրապարակում կայացած հանրահավաքում ասել է Վրաստանի նախագահ Սալոմե Զուրաբիշվիլին։
Սալոմե Զուրաբիշվիլին Ազատության հրապարակից դիմել է Մոլդովայի նախագահ Մայա Սանդուին և Ուկրաինայի նախագահ Վլադիմիր Զելենսկիին։
«Մեծ սիրով, մեծ հույզերով ուզում եմ ողջունել ձեզ այս երեկո։ Այսօր Վրաստանի պատմության մեջ այն օրերից մեկն է, որը կհիշեն մեր երեխաներն ու թոռները։ Այսօր ծնվեց թոռս՝ Գաբրիելը։ Եվ թերեւս ամեն ինչ նշան է այս կյանքում, նշան է, որ գալիս է նոր ապագա, նոր Վրաստան։ Վրաստանը, որն այսօր կանգնած է իմ առջև, ազատ Վրաստանն է։ Ոչ ոք զոռով չի եկել այստեղ, ոչ ոք չի եկել, քանի որ իրենց ասել են, որ կկորցնեն աշխատանքը։ Ոչ ոք, ոչ մի ուսանող չի եկել, քանի որ իրենց ասել են, եթե չես, կրթաթոշակ չես ստանա։ Ազատությունից ավելի թանկ բան չկա։ Ազատությունից ու խաղաղությունից ավելի թանկ բան չկա, և այսօր ահա այդ համայնքը, այն անհատները, այն վրացիները, ովքեր Եվրոպա են մտնում խաղաղ, արժանապատիվ և որպես վրացի։ Այսօր այստեղ կանգնած է վաղվա Վրաստանը, այսօր այստեղ կանգնած է երեկվա Վրաստանը։ Բայց երբ ասում եմ երեկվա մասին, ոչ թե սովետական ճիրաններում սուզված, այլ մեր պապերի ազատ Վրաստանն ու մեր պատվավոր պատմությունը։ Որ Վրաստանն ու այս Վրաստանը մեկ են, և երկուսն էլ միասին կմտնեն Եվրոպա։
Այստեղից ուզում եմ դիմել Մայա Սանդհուին, Մայա, հուսով եմ, որ այսօր ձեր հաղթանակի օրն է լինելու և եվրոպական հանրաքվեի հաղթանակի օրը։ Մենք միասին ենք մտնելու Եվրոպա. Ուզում եմ այստեղից դիմել Վլադիմիր Զելենսկիին և ասել, որ մենք գիտենք, որ նա կպայքարի մեզ համար, նա կհաղթի և մենք միասին կմտնենք Եվրոպա։ Ուզում եմ դիմել մեր գործընկերներին՝ եվրոպացիներին և ամերիկացիներին, և ասել, որ երբ մենք մտնենք Եվրոպա և կմտնենք Եվրոպա, մենք կլինենք գործընկեր և դաշնակից, ինչպիսին երբեք չէիք երազել։ Այս օրերին ես ձեզանից ոչինչ չեմ ուզում լսել, ամեն ինչ պարզ է, Վրաստանն այստեղ արդեն հաղթող է, իսկ նրա ապագան՝ հաղթող, շնորհակալություն»,- ասել է Սալոմե Զուրաբիշվիլին։
Ազատության հրապարակում տեղի է ունենում հանրահավաք-համերգ. «Վրաստանն ընտրում է Եվրամիությունը» երթի մասնակիցները մի քանի վայրերից երթով շարժվեցին դեպի Ազատության հրապարակ, որտեղ անցկացվում է եզրափակիչ միջոցառումը։
