Սալոմե Զուրաբիշվիլի. Խորհրդարանական ընտրությունները վճռորոշ են լինելու ոչ թե «երազանքից», այլ վրացական մղձավանջից ազատվելու համար
Խորհրդարանական ընտրությունները վճռորոշ կլինեն ոչ թե «երազանքից», այլ վրացական մղձավանջից ազատվելու համար,- France info-ին տված հարցազրույցում ասել է Վրաստանի նախագահ Սալոմե Զուրաբիշվիլին։
«Վրաստանի համար այն ամենը, ինչը նրա ճանապարհը չէ դեպի Եվրոպա, դեպի ազատության և անկախության ամրապնդում, մղձավանջ է»,- ասել է Զուրաբիշվիլին։
Բացի այդ, լրագրողի հարցին, թե «ինչպես եղավ 2008-ին Պեկինի օլիմպիական խաղերի ժամանակ, մտավախություն ունե՞ք, որ ամռանը՝ Փարիզի Օլիմպիական խաղերի ժամանակ, ռուսական հերթական հարձակումը կլինի ձեր երկրի վրա», Զուրաբիշվիլին պատասխանեց:
«Գիտեք, երբեք չպետք է ասեք երբեք Ռուսաստանի մասին։ Բայց այսօր պարզ է, որ Ռուսաստանի ռազմավարությունը Վրաստանի հետ կապված մի փոքր այլ է։ Սա հիբրիդային պատերազմի ռազմավարություն է, քարոզչությամբ և իշխանությունների վրա ճնշում գործադրելով, ընդունելու ռուսական օրենքները, ինչպես նաև ռուս միգրանտների ներհոսքով Վրաստանի տարածք։ Մենք հիբրիդային պատերազմի մեջ ենք, որին դիմադրում ենք, բայց երբեք չպետք է ասեք երբեք»,- ասել է Սալոմե Զուրաբիշվիլին։