Սալոմե Զուրաբիշվիլի. Վրաստանի համար ոգեշնչող է ժամանակակից հունական մշակույթի կարողությունը՝ հաղթահարելու ամենամեծ մշակութային ժառանգության ծանրությունը
Վրաստանի նախագահ Սալոմե Զուրաբիշվիլին Օրբելյանիների պալատում հյուրընկալել է հունական ժամանակակից գրականության դասական, գրող Դիմիտրի Դիմիտրիադիսին և ռեժիսոր Միխայիլ Մարմարինոսին։
Հույն գրողներն ու դրամատուրգները Վրաստանում են «Սաճկարի» արվեստի միջազգային փառատոնի շրջանակներում, որն այս տարի նվիրված էր Հունաստանի ժամանակակից դրամատուրգիային և թատրոնին՝ նշելու Վրաստանի և Հունաստանի միջև 30-ամյա դիվանագիտական հարաբերությունները։
Դիմիտրի Դիմիտրիադիսը նախագահին է ներկայացրել սեփական «Մեռնում եմ որպես երկիր» ստեղծագործությունը՝ Թաթիա Մունգուլիձեի թարգմանությամբ վրացերեն։
«Վրաստանի համար մեծ պատիվ է հյուրընկալել ժամանակակից հունական գրականության դասականին։ Ուրախ եմ, որ Վրաստանի հետ այս ստեղծագործական հարաբերությունները կշարունակվեն և էլ ավելի կզարգանան»,- ասել է Վրաստանի նախագահը։
Փառատոնի տնօրեն Քեթի Դոլիձեն նախագահին տեղեկացրել է հաջորդ տարվա փառատոնի ծրագրերի մասին և նշել, որ փառատոնի մասշտաբներն այս տարի չեն ազդել դրա որակի վրա։
Նախագահի խոսքով, Վրաստանի համար, որպես հարակից մշակույթի, ոգեշնչող է անընդհատ թարմացնելու և ստեղծագործ էներգիա ստեղծելու կարողությունը, որի միջոցով ժամանակակից հունական մշակույթը «բռնում է» մշակութային մեծագույն ժառանգության ծանրությունը։
Միխայիլ Մարմարինոսը Վրաստանի նախագահին հրավիրել է Էլևսիս քաղաք՝ մասնակցելու Հունաստանում մշակութային ծրագրի բացման արարողությանը։ Էլևսիսը 2023 թվականին հռչակվել է Եվրոպայի մշակութային մայրաքաղաք։
Տեղեկությունը տարածում է Վրաստանի նախագահի մամուլի ծառայությունը։