Առաջին հերթին ես շնորհավորում եմ վրացի երիտասարդներին այսօրվա հաղթանակի կապակցությամբ և խոստանում ենք շարունակել պայքարը, որպեսզի նրանք կարողանան ապրել ժամանակակից եվրոպական երկրում,- ասել է ընդդիմադիր պատգամավոր Սալոմե Սամադաշվիլին խորհրդարանի կողմից «Օտար ազդեցության թափանցիկության մասին» օրինագծի տապալումից հետո։

Նրա խոսքով, սա պայքարի միայն սկիզբն է։

«Այսօր մենք տեսանք օկուպացիոն ռեժիմի վախեցած ներկայացուցիչներ։ Վրացի երիտասարդները նրանց հնարավորություն չտվեցին դավաճանելու մեր երկրին, ընդունելու հակասահմանադրական օրենքը և ստիպեցին վերանայել երկու օր առաջ կայացրած որոշումը։ Այս խորհրդարանի պատմության մեջ նման բան չկա։ Տեսաք, որ վաղ առավոտից մեծամասնության ներկայացուցիչները մտան խորհրդարան, ընդդիմության խոսափողը չմիացրեցին, այնքան վախեցած են։ Նախ ուզում եմ շնորհավորել այսօրվա հաղթանակը՝ ժողովրդի համար կարևոր ձեռքբերում, բայց սա պայքարի միայն սկիզբն է։ Մեզ շատ մարտեր են սպասվում՝ այս երկիրը հետագայում պաշտպանելու համար Ռուսաստանի և նրանց դաշնակիցների կողմից մեր երկրի եվրոպական ապագայի վրա հետագա հարձակումներից: Բայց ես շնորհավորում եմ այսօրվա հաղթանակը առաջին հերթին վրացի երիտասարդներին և խոստանում ենք շարունակել պայքարը, որպեսզի նրանք ապրեն ժամանակակից եվրոպական երկրում։ Սա մեր ընտրությունն ու ցանկությունն է։ Բոլորը պետք է հասկանան, որ ցանկացած ոք, ով կկանգնի այս ընտրության դեմ, քաղաքականապես կոչնչացվի»,- ասել է Սամադաշվիլին։