«Սաքպատենտի» ուսումնական կենտրոնը կտեղակայվի Քութայիսիում, խորհրդարանի նախկին շենքում,- այս մասին հայտարարել է Մտավոր սեփականության ազգային կենտրոնի՝ «Սաքպատենտի»-ի նախագահ Սոսո Գիորգաձեն՝ Եվրաինտեգրման կոմիտեի նիստում զեկույց ներկայացնելիս։

Նրա խոսքով՝ նախկին խորհրդարանի շենքում արդեն իսկ վերանորոգման աշխատանքներ են ընթանում ենթակառուցվածքների թարմացման նպատակով։

«Օրենքը պահանջում է, որ մի կողմից, արտոնագրային փաստաբանների քննությունները անցկացվեն որոշակի հաճախականությամբ, իսկ մյուս կողմից, պարտադիր բաղադրիչներից մեկը շարունակական կրթությունն է։ «Սաքպատենտը» ակտիվորեն աշխատում է, արդեն իսկ վերանորոգման աշխատանքներ են ընթանում, որտեղ կգտնվի «Սաքպատենտի» ուսումնական կենտրոնը՝ ամբողջությամբ վերանորոգված ենթակառուցվածքով։ Այն կծառայի ինչպես քննություններին, այնպես էլ շարունակական կրթությանը։ Բացի այդ, Համաշխարհային մտավոր սեփականության կազմակերպության հետ համատեղ մենք մի քանի նախագծեր ենք իրականացնում, ինչը նշանակում է, որ Վրաստանում կանցկացվեն միջազգային մակարդակի դասընթացներ և սեմինարներ։ Դրանցից մի քանիսն արդեն անցկացվում են տարբեր ձևաչափերով», – ասաց Սոսո Գիորգաձեն։