Վրաստանի նախագահը բացել է Մերձբալթյան և Սև ծովի տարածաշրջանների երկրների սահմանադրական արդարադատության միության երրորդ վեհաժողովը և խոսքով դիմել միջազգային վեհաժողովի պատվիրակներին:
Վեհաժողովը Թբիլիսիում հյուրընկալում է Վրաստանի սահմանադրական դատարանը, որպես Մերձբալթյան և Սև ծովի տարածաշրջանների երկրների սահմանադրական արդարադատության միության (BBCJ) նախագահ: Գիորգի Մարգվելաշվիլին Սահմանադրական դատարանների վեհաժողովը որակել է կարևոր ֆորում սահմանադրական իրավունքի և մակարդակի բարձրացման համար և միջազգային փորձի հաղորդման տեսանկյունից: Նախագահի հայտարարությամբ, Սահմանադրությունը կատարյալ դեպքում միավորում է երկու կարևոր հիմունք:
Մեկը համամարդկային արժեքներն է, որոնցով օժտված է ցանկացած ազգի սոցիալական, մշակութային և հոգևոր կյանքը և երկրորդ, դա առանձնահատկությունն է, որն այս երկրում, այս կողմերում բնակվող ժողովրդի համար ներկայացնում է բնական վիճակ:
«Այս տեսանկյունից, սահմանադրական դատարանի գործունեությունը ևս բնական է նույն համատեքստում զարգացնում և խորացնում է այդ վիճակը: Ուրախ եմ, որ Վրաստանի սահմանադրական դատարանը ծառայում է հենց այդ արժեքներին – սահմանադրության ժամանակակից եվրոպական համատեքստում մեկնաբանմանը և դրա որոշումները և եզրահանգումները հենց այդ ուղղությամբ խորացնում են մեր պետության զարգացումը»,- հայտարարել է Գիորգի Մարգվելաշվիլին՝ վեհաժողովին:
