Ռուսթավելի պողոտայում՝ խորհրդարանի դիմաց, ընթանում է «Միասին Եվրոպայում» կարգախոսով հանրահավաքը, որը կազմակերպում է «Ազգային շարժումը»։

«Ազգային շարժման» անդամ Իրակլի Ֆավլենիշվիլին բացեց հանրահավաքը և ելույթ ունեցավ հավաքվածների առաջ՝ խորհրդարանի դիմաց տեղադրված բեմից։

Ակցիայի կազմակերպիչների խոսքով՝ Վրաստանի ապագան Եվրոպայում է։ Միաժամանակ Ռուսթավելիում հավաքվածները պահանջում են կառավարության հրաժարականը։ Հանրահավաքին հավաքվածները պահանջում են ազատ արձակել Միխեիլ Սաակաշվիլիին, Նիկա Գվարամիային և Լազարե Գրիգորիադիսին։ Հանրահավաքում հնչում են բացականչություններ՝ «Միշա, Միշա», կոչեր իշխանությանը՝ «Գնա՛», ինչպես նաև «Սուխումի-Ցխինվալի»։

Հանրահավաքին ներկա են տարբեր ընդդիմադիր կուսակցությունների անդամներ։

Խորհրդարանի դիմացի ճանապարհը փակ է։