Ռուստեմ Ումերով - Մենք հույս ունենք եվրոպացի գործընկերների աջակցությանը հաջորդ քայլերում, մենք անհամբեր սպասում ենք Ուկրաինայի նախագահի այցին Միացյալ Նահանգներ՝ վերջնական քայլերը պարզաբանելու համար
Ուկրաինայի Ազգային անվտանգության և պաշտպանության խորհրդի նախագահ Ռուստեմ Ումերովը դրական է գնահատել Ժնևում Ուկրաինայի և ԱՄՆ պատվիրակությունների միջև կայացած հանդիպումները։
«Մենք գնահատում ենք Ժնևում Ուկրաինայի և ԱՄՆ պատվիրակությունների միջև տեղի ունեցած արդյունավետ և կառուցողական հանդիպումները, ինչպես նաև նախագահ Թրամփի՝ պատերազմը դադարեցնելու վճռական ջանքերը», – գրել է Ումերովը սոցիալական ցանցերում։
Ռուստեմ Ումերովի խոսքով՝ պատվիրակությունները ընդհանուր որոշման են եկել Ժնևում քննարկված համաձայնագրի հիմնական պայմանների վերաբերյալ։
«Այժմ մենք հույսը դնում ենք մեր եվրոպացի գործընկերների աջակցության վրա մեր հետագա քայլերում։ Մենք անհամբեր սպասում ենք նոյեմբերին Ուկրաինայի նախագահի այցը Միացյալ Նահանգներ կազմակերպելուն՝ հնարավորինս շուտ, որպեսզի պարզաբանենք վերջնական քայլերը և համաձայնության գանք նախագահ Թրամփի հետ», – նշել է Ումերովը։
