Ռուսաստանի պետական ​​ատոմային էներգիայի ընկերությունը հայտնում է, որ ուկրաինացիները փորձել են անօդաչու թռչող սարքով հարձակվել Ռուսաստանի Վորոնեժի մարզի ատոմակայանի վրա։

«Ռոսէներգոատոմ»-ը հայտարարել է, որ անօդաչու թռչող սարքը «չեզոքացվել է տեխնիկական միջոցներով», և էլեկտրակայանը չի վնասվել։

«Միջադեպի հետևանքով վիրավորներ կամ վնասներ չեն եղել։ Սակայն պայթյունը հետք է թողել սառեցման աշտարակի վրա։ Ատոմակայանի անվտանգ գործունեությունը ապահովված է», – ասել է ընկերությունը՝ նշելով, որ ճառագայթման մակարդակը նորմալ է և անփոփոխ։

«Ռոսէներգոատոմ»-ը միջադեպը անվանել է «ուկրաինական զինված ուժերի կողմից ռուսական ատոմակայանների դեմ ուղղված ևս մեկ ագրեսիա»։

Ինչպես հաղորդում է Reuters-ը, ուկրաինական կողմը որևէ մեկնաբանություն չի արել այս հարցի վերաբերյալ։