Ռուսաստանի արտաքին գործերի նախարարությունում բացառել են Սերգեյ Լավրովի հնարավոր հրաժարականի մասին լուրը
Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան հայտարարել է, որ Սերգեյ Լավրովի հնարավոր հրաժարականի մասին լուրը չի համապատասխանում իրականությանը: Այս մասին Զախարովան գրել է ֆեյսբուքի իր էջում:
«Ճիշտ ասած այս լուրը սադրիչ բովանդակություն ունի, գտնում եմ, որ RTVI-ի այս հրապարակումը ֆեյքային է: Հնարավոր է այն արվել է անուշադրությամբ, սակայն ով գիտի…»,-գրել է Զախարովան:
Հիշեցնենք, RTVI հեռուստատեսությունը տարածել էր լրատվություն, որի համաձայն Սերգեյ Լավրովը հեռանում է Ռուսաստանի արտաքին գործերի նախարարի պաշտոնից: