Ռուսաստանը Սանկտ Պետերբուրգում ձերբակալված Ուկրաինայի հյուպատոսին պերսոնա նոն գրատա է հայտարարել և մինչ ապրիլի 22-ը ժամանակ տվել լքել երկիրը
Ռուսաստանը Սանկտ Պետերբուրգում ձերբակալված Ուկրաինայի հյուպատոս Ալեքսանդր Սոսանյուկին պերսոնա նոն գրատա է հայտարարել և մինչ ապրիլի 22-ը ժամանակ տվել լքել երկիրը: Տեղեկատվությունը տարածում են ռուսական լրատվամիջոցները:
Ուկրաինայի հյուպատոսն այսօր մի քանի ժամ ձերբակալվել է Ռուսաստանի Անվտանգության դաշնային ծառայության կողմից: Նրան մեղադրում էին փակ տեղեկություններ ստանալու մեջ:
Ըստ ռուս իրավապահների, Ալեքսանդր Սոսանյուկը ձերբակալվել է Ռուսաստանի քաղաքացուց տեղեկատվություն ստանալու ժամանակ:
Կիևում հայտարարեցին, որ դա Ռուսաստանի կողմից հերթական սադրանքն է, և որ Ուկրաինայի կառավարությունը պատրաստվում է պատասխան գործողությունների: