Ռուսաստանը փակում է Սանկտ Պետերբուրգում Գերմանիայի գլխավոր հյուպատոսությունը
Ռուսաստանը փակել է Սանկտ Պետերբուրգում Գերմանիայի գլխավոր հյուպատոսությունը։ Այս մասին հաղորդում է Reuters-ը։ Ռուսաստանի արտաքին գործերի նախարարությունը հայտարարության մեջ նշել է, որ Սանկտ Պետերբուրգում Գերմանիայի հյուպատոսությունը պետք է դադարեցնի իր գործունեությունը մինչև սեպտեմբերի 18-ը։
Պաշտոնական Մոսկվան նաև հրամայել է Գերմանիայի Գյոթեի ինստիտուտի մշակութային կենտրոնին դադարեցնել իր գործունեությունը Ռուսաստանում։ Աշխատակիցներին հրամայվել է լքել Ռուսաստանը մինչև սեպտեմբերի 13-ը։
«Հենց Գերմանիայի կառավարությունն է հրահրել երկկողմ հարաբերություններում սրման նոր փուլ։ Հետևանքների համար ամբողջ պատասխանատվությունը կրում է Գերմանիայի կառավարությունը», – հայտարարել է Ռուսաստանի արտաքին գործերի նախարարությունը։
Ձեր տեղեկության համար, Գերմանիայի և Ռուսաստանի միջև դիվանագիտական հարաբերությունները հատկապես սրվել են այն բանից հետո, երբ Գերմանիան մեղադրել է Ռուսաստանին Լայպցիգի և Հալլեի օդանավակայանները անօդաչու թռչող սարքերով հարձակվելու փորձի մեջ։