Ռուսաստանը հարված է հասցրել Սումի քաղաքին, կան վիրավորներ
Ուկրաինայի արտակարգ իրավիճակների պետական ծառայության և ներքին գործերի նախարարության տեղեկատվության համաձայն՝ Սումի քաղաքում անօդաչու թռչող սարքը բախվել է ինը հարկանի բնակելի շենքին, վիրավորվել է վեց մարդ, այդ թվում՝ չորս երեխա։
Ուկրաինայի արտակարգ իրավիճակների պետական ծառայության հայտարարության համաձայն՝ Ռուսաստանը հարված է հասցրել նաև առևտրազվարճանքի կենտրոնին։
«Հենց որ փրկարարները ժամանել են հարվածի վայր, թշնամին կրկնակի հարվածներ է հասցրել։ Վնասվել է մեկ ծառայողական ավտոմեքենա, իսկ երկրորդն ամբողջությամբ ոչնչացվել է», – ասված է գերատեսչության հայտարարության մեջ։
Ռուսաստանի պաշտպանության նախարարությունը հարձակման վերաբերյալ մեկնաբանություն չի արել։