Ադրբեջանի և Հայաստանի արտաքին գործերի նախարարները մարդասիրական նպատակով պայմանավորվել են Լեռնային Ղարաբաղի  հակամարտության գոտում հրադադարի մասին: Այս մասին հայտնում են ռուսական լրատվամիջոցները:

Հայաստանի և Ադրբեջանի արտաքին գործերի նախարարների հանդիպումը կայացել է Մոսկվայում:

Ըստ լրատվամիջոցների, Ռուսաստանի արտաքին գործերի նախարար Սերգեյ Լավրովն ասել է, որ Հայաստանի և Ադրբեջանի արտգործնախարարները ընդունել են խորհրդակցությունների վերաբերյալ համատեղ փաստաթուղթը:

Ռուսական մամուլը գրում է, որ պայմանավորվածության համաձայն, հակամարտության գոտում ռազմական գործողությունները մարդասիրական նպատակով պետք է դադարեցվեն հոկտեմբերի 10-ի ժամը 12:00-ից, որպեսզի տեղի ունենա ռազմագերիների և զոհվածների աճյունների փոխանակումը:

Սերգեյ Լավրովի հետ, Ադրբեջանի արտաքին գործերի նախարար Ջեյհուն բայրամովի և Հայաստանի արտաքին գործերի նախարար Զոհրաբ Մնացականյանի հետ հանդիպումը Մոսկվայում տևել է ավելի քան տաս ժամ:

Հանդիպման ավարտից հետո, տարածվել է Ռուսաստանի, Ադրբեջանի և Հայաստանի արտաքին գործերի նախարարների համատեղ հայտարարությունը: Հայտարարության տեքստը հրապարակվել է Ռուսաստանի արտգործնախարարության կայքում:

Երեք երկրների արտաքին քաղաքական գերատեսչությունների ղեկավարների բանակցություններից հետո տարածված հայտարարությունում նշվում է, որ Լեռնային Ղարաբաղի հակամարտության գոտում, մարդասիրական նպատակով կրակը դադարեցվելու է հոկտեմբերի 10-ին, ժամը 12:00-ից, որպեսզի տեղի ունենա ռազմագերիների և զոհվածների աճյունների փոխանակումը, կարմիր խաչի միջազգային կոմիտեի չափանիշների նախատեսմամբ: Նույն փաստաթղթով, հրադադարի կոնկրետ չափորոշիչները կհամաձայնեցվեն ավելի ուշ:

Բացի այդ, Ադրբեջանը և Հայաստանը ԵԱՀԿ Մինսկի խմբի միջնորդությամբ, հիմնվելով կարգավորման հիմնարար սկզբունքների վրա սկսում են «սուբստանտիվ բանակցությունները»՝ շուտափույթ խաղաղ կարգավորման հասնելու նպատակով:

Նշված հայտարարությամբ, կողմերը հաստատում են բանակցային գործընթացի ձևաչափի անփոփոխ լինելը: