Ռումինիան և Բուլղարիան դարձան Շենգենյան գոտու անդամներ, նոր կանոններն ուժի մեջ կմտնեն 2025 թվականի հունվարից
Ռումինիան և Բուլղարիան դարձան Շենգենյան գոտու անդամներ։ Նշված երկու երկրների առնչությամբ նոր կանոններն ուժի մեջ կմտնեն 2025 թվականի հունվարի 1-ից։
Ռումինիայի և Բուլղարիայի՝ առանց անձնագրերի Շենգենյան գոտուն միանալու գործընթացը սկսվել է 2011 թվականին, երբ Եվրահանձնաժողովն առաջին անգամ սահմանեց նրանց միանալու պատրաստակամությունը։
Կարևոր որոշումը հնարավոր դարձավ այն բանից հետո, երբ Ավստրիան՝ ամենամեծ հակառակորդը, վերացրեց իր վետոն անցյալ ամիս՝ Բուդապեշտում կայացած հանդիպման ժամանակ։
Բուդապեշտի համաձայնագիրը նախատեսում է Հունգարիայի ու Ռումինիայի և Ռումինիայի ու Բուլղարիայի միջև ցամաքային սահմաններում առնվազն վեց ամսով ստուգումներ մտցնել՝ «հանրային քաղաքականությանը և ներքին անվտանգությանը սպառնացող որևէ լուրջ սպառնալիք կանխելու համար»։
Զիջումը նպատակ ուներ մեղմել Ավստրիայի շարունակական մտահոգությունները անօրինական միգրացիայի հետ կապված: Միգրացիոն հոսքերը կասեցնելու համար սահմանային ստուգումների կիրառումն ավելի ու ավելի տարածված է դառնում բլոկում:
Գերմանիան, Ֆրանսիան և Նիդեռլանդները նրանց թվում են, ովքեր դիմել են միջոցների՝ վերջին ամիսներին:
Այս տարվա սկզբին վերացվել են օդային և ծովային սահմանների ստուգումները։
Շենգենյան գոտին եվրաինտեգրման ամենաշոշափելի ձեռքբերումներից է, որը ներկայումս ներառում է 29 երկիր և գրեթե 450 միլիոն մարդ։