Ռոյթերս – Սիրիան և Իսրայելը Հորդանանում բարձր մակարդակի բանակցություններ են վարել ԱՄՆ-ի միջնորդությամբ՝ Սիրիայի տարածքում Իսրայելի վերջին հարվածներից հետո լարվածությունը մեղմելու նպատակով
Սիրիան և Իսրայելը Հորդանանում բարձր մակարդակի բանակցություններ են վարել ԱՄՆ-ի միջնորդությամբ՝ Սիրիայի տարածքում Իսրայելի վերջին հարվածներից հետո լարվածությունը մեղմելու նպատակով, հաղորդում է Ռոյթերսը՝ հղում անելով սիրիական լրատվամիջոցներին։
Լրատվամիջոցների հաղորդագրությունների համաձայն՝ բանակցությունները կենտրոնացած են եղել Իսրայելի հարվածները, ձերբակալությունները և թիրախային գործողությունները դադարեցնելու գործնական մեխանիզմների վրա։
Կողմերը նաև քննարկել են անվտանգության համաձայնագրի շուրջ բանակցությունների վերսկսման հարցը, որը, ըստ լրատվամիջոցների աղբյուրի, կարող է ապագայում ավելի լայն համաձայնագրի հիմք հանդիսանալ։
Սիրիայի արտաքին գործերի նախարար Ասադ ալ-Շաիբանին ավելի վաղ Ռոյթերսին ասել էր, որ Դամասկոսը ակնկալում է, որ Իսրայելի հետ անվտանգության շուրջ բանակցությունները շուտով կվերսկսվեն, սակայն նշել է կողմերի միջև վստահության պակասը։
Նա ասել է, որ բանակցությունները կանգ են առել Իրանի հետ պատերազմի սկսվելուց ի վեր, և Սիրիան ամբողջությամբ խզել է կապը Իսրայելի հետ այն բանից հետո, երբ Իսրայելը անցյալ շաբաթ հարվածներ է հասցրել Սիրիայի Աբու ալ-Զհուր ավիաբազային։