Ռիկարդ Յոզվյակ – Եվրամիության դեսպանները կրկին չեն կարողանում երկարաձգել Ռուսաստանի դեմ պատժամիջոցները
«Ազատություն» ռադիոկայանի եվրոպական բյուրոյի ղեկավար Ռիկարդ Յոզվյակը նշում է, որ Եվրամիության դեսպանները կրկին չեն կարողանում երկարաձգել Ռուսաստանի դեմ պատժամիջոցները։
Նրա խոսքով՝ դրա պատճառը Սլովակիան է, որը պահանջում է գործարարներ Ալիշեր Ուսմանովի և Միխայիլ Ֆրիդմանի հեռացումը պատժամիջոցների ցանկից։
«Եվրամիության դեսպաններն այսօր կրկին չեն կարողանում երկարաձգել Ռուսաստանի դեմ պատժամիջոցները։ Հաջորդ հանդիպումը կկայանա երկուշաբթի՝ սեպտեմբերի 15-ի վերջնաժամկետից մեկ օր առաջ։ Սլովակիան դեռևս պահանջում է Ուսմանովի և Ֆրիդմանի հեռացումը պատժամիջոցների ցանկից, բայց հարցն այժմ ավելի է բարդացել, քանի որ Ֆրանսիան նույնպես պահանջում է Ուսմանովի հեռացումը ցանկից», – գրում է նա։