Reuters – Եմենի հութիները գրավել են Կարմիր ծովի կարևորագույն նավահանգիստ Մոչան
Եմենի «հութիները» գրավել են երկրի արևմտյան մասում գտնվող Մոչա նավահանգստային քաղաքը։ Տեղեկությունը հաստատել է Եմենի կառավարությունը։
Ինչպես գրում է Reuters-ը, խմբի այս քայլը ևս մեկ սպառնալիք է ներկայացնում համաշխարհային էներգամատակարարման համար։ Բացի այդ, ռազմական աղբյուրների համաձայն, «հութիները» լրացուցիչ գրավել են մի քանի օբյեկտներ Բաբ էլ-Մանդեբ նեղուցի մոտ, որը ամենակարևոր ծովային ուղիներից մեկն է։
Տեղեկատվության համար՝ սեպտեմբերի 8-ին եմենցի «հութիները» հարձակվել են Սաուդյան Արաբիայի վրա, որի հետևանքով վիրավորվել է 73 մարդ։ Դրանից հետո միջազգայնորեն ճանաչված Եմենի կառավարությունը՝ իր դաշնակիցների հետ միասին, հարձակում է սկսել «հութիների» դեմ։