Թուրքիայի նախագահ Ռեջեփ Թայիփ Էրդողանը հանդիպել է Ադրբեջանի նախագահ Իլհամ Ալիևի հետ։

Թուրքիայի հաղորդակցության վարչության կողմից տարածված հայտարարության մեջ ասվում է, որ առաջնորդները քննարկել են երկկողմ հարաբերությունները, տարածաշրջանային և գլոբալ հարցեր Շանհայի համագործակցության կազմակերպության գագաթնաժողովի շրջանակներում իրենց հանդիպման ժամանակ։

Էրդողանը գոհունակություն է հայտնել հայ-ադրբեջանական խաղաղության գործընթացում արձանագրված առաջընթացի կապակցությամբ և նշել է, որ Թուրքիան կշարունակի նպաստել այս գործընթացին։

Հայտարարության մեջ նշվում է, որ երկու երկրները կշարունակեն քայլեր ձեռնարկել համագործակցությունը զարգացնելու համար բազմաթիվ ոլորտներում, մասնավորապես՝ էներգետիկայի և տրանսպորտի ոլորտներում։

Հանդիպմանը մասնակցել են նաև Թուրքիայի և Ադրբեջանի արտգործնախարարներ Հաքան Ֆիդանը և Ջեյհուն Բայրամովը։