Ռեջեփ Թայիփ Էրդողան. Մենք ցանկանում ենք, որ Անդրկասպյան միջանցքի նախաձեռնությունը համատեղելի լինի «Մեկ գոտի, մեկ ճանապարհ» նախաձեռնության հետ

Մենք ցանկանում ենք, որ Անդրկասպյան միջանցքը համատեղելի լինի «Մեկ գոտի, մեկ ճանապարհ» նախաձեռնության հետ, Բիշքեկում կայացած Շանհայի համագործակցության կազմակերպության (ՇՀԿ) գագաթնաժողովում հայտարարել է Թուրքիայի նախագահ Ռեջեփ Թայիփ Էրդողանը։

Էրդողանը նշել է, որ Թուրքիան կձգտի խորացնել համագործակցությունը Շանհայի համագործակցության կազմակերպության (ՇՀԿ) հետ, որին նա անվանել է «ծագող աստղ»։

«ՇՀԿ-ն, որը ներկայացնում է 3.5 միլիարդ մարդու և 35 տրիլիոն դոլար համախառն ներքին արդյունք, բազմաբևեռ կարգի անփոխարինելի տարր է», – հավելել է Թուրքիայի նախագահը։

Էրդողանը նշել է, որ Թուրքիան պատասխանատվություն է կրում հակամարտությունները երկխոսության և դիվանագիտության միջոցով լուծելու համար և շարունակելու է աշխատել ամբողջ աշխարհում խաղաղության, հանգստության և կայունության համար։

«Մենք կարծում ենք, որ կազմակերպությունը կարևոր դեր կխաղա ոչ միայն խաղաղության և կայունության ապահովման, այլև անվտանգ տրանսպորտային միջանցքների ստեղծման և էներգամատակարարման անվտանգության ապահովման գործում», – ասել է Էրդողանը։