Ռեջեփ Թայիփ Էրդողան. Բոլորը վճարում են Պարսից ծոցում շարունակվող պատերազմի գինը
Թուրքիայի նախագահ Ռեջեփ Թայիփ Էրդողանը հայտարարել է, որ մինչև Հորմուզի նեղուցում իրավիճակը չհանգստանա, նավթի գների աճը կմնա մարտահրավեր բոլորի համար։
Նա ասել է, որ բոլորը վճարում են Իսրայելի հրահրմամբ սկսված պատերազմի գինը՝ անկախ նրանից, թե մասնակցում են այս պատերազմին, թե ոչ։
«Ես ևս մեկ անգամ կցանկանայի ընդգծել, որ Իսրայելի հրահրմամբ և սադրանքով սկսված պատերազմի գինը վճարում են ոչ միայն Իրանի ժողովուրդը և մեր եղբայրական Պարսից ծոցի երկրները, այլև բոլորը, անկախ նրանից, թե մասնակցում են այս պատերազմին, թե ոչ։ Հենց Իսրայելի ստերն ու դիվերսիաներն էին, որոնք նաև խափանեցին Իսլամաբադի համաձայնագիրը, որը մեր ամբողջ տարածաշրջանին հնարավորություն տվեց շնչելու։ Մինչև այս արմատական մտածելակերպը, որը խաղաղության նույնիսկ չնչին հնարավորությունը ընկալում է որպես սպառնալիք, չփոխվի, մեր տարածաշրջանում ճգնաժամի փոթորիկը չի հանդարտվի», – ասել է Էրդողանը։