Ռեգբի | Վրաստանի ազգային հավաքականը Ազգերի գավաթի խաղարկությունում տարավ երկրորդ հաղթանակը. Վրաստանի հավաքականը հաղթեց Սամոային #1TVSPORT

Վրաստանի ռեգբիի ազգային հավաքականը, Ռեգբիի աշխարհի գավաթի նոր մրցաշարում իր երկրորդ հանդիպումն անցկացրեց Սամոայի դեմ և տարավ իր երկրորդ հաղթանակը։

Սամոա – Վրաստան 12:33

Սամոա

Լելո. Պայաաուա, Ասիատա

Իրացում. Ալատիմու

Վրաստան

Լելո. Իվանիշվիլի, Կվեսելաձե, Սպանդերաշվիլի

Իրացում. Մատկավա (2), Աբժանդաձե

Տուգանային փորձ. Մատկավա (4)

Վրաստանի հավաքականը առաջին խաղակեսում կենտրոնացավ միավորներ վաստակելու վրա, և երբ հնարավորություն ունեցան, նախընտրեցին տուգանային հարվածներ կատարել՝ գնդակը եզր տեղափոխելու փոխարեն. Լուկա Մատկավան երեք անգամ ճիշտ կատարեց տուգանային փորձը և Վրաստանի ազգային հավաքականը առաջ անցավ 9:0 հաշվով։

Սամոացիները կրճատեցին տարբերությունը խաղակեսի կեսին իրացված փորձով, սակայն 38-րդ րոպեին վրացի ռեգբիիստների հարձակումն ավարտվեց Լուկա Իվանիշվիլիի փորձով և Մատկավայի իրացմամբ. Վրաստանի հավաքականը հաղթեց առաջին խաղակեսը 16:7 հաշվով։

Երկրորդ խաղակեսը սկսվեց մեր հավաքականի փորձով. արագ հարձակման ժամանակ Վրաստանի հավաքականի ավագ Դավիթ Նինիաշվիլին (ով իր 50-րդ խաղն անցկացրեց ազգային հավաքականի կազմում) հաջողությամբ ազատվեց մրցակցից կեղծ քայլով, գնդակը փոխանցեց Գիորգի Կվեսելաձեին, ով խփեց վրացիների երկրորդ լելոն այս խաղում, Մատկավան կրկին ճշգրիտ իրացրեց տուգանայինը՝ 23:7: Երեք րոպե անց սամոացիները կրկին կրճատեցին տարբերությունը՝ 23:12։

Մնացած ժամանակում Մատկավան ճշգրիտ իրացրեց ևս մեկ տուգանային փորձ, իսկ Սպանդերաշվիլին այսպես կոչված կարմիր ժամանակում դրեց երրորդ փորձը և Վրաստանը տարավ իր երկրորդ հաղթանակը Ռեգբիի աշխարհի առաջնությունում՝ 33:12 հաշվով։

Վրաստանի հավաքականը երրորդ հանդիպումը կանցկացնի Սանտիագոյում, «Էստադիո Լա Պորտադա» մարզադաշտում Չիլիի հավաքականի դեմ հուլիսի 18-ին։ Խաղը կսկսվի ժամը 23:00-ին։