«Ռազմավարություն Աղմաշենեբելիի» առաջնորդ, Գիորգի Վաշաձեի հայտարարությամբ, մինչ ընտրություններ մնացել է քիչ ժամանակ և կան շատ շրջաններ, որտեղ բնակչությունը ցանկանում է հանդիպել նրա հետ, այդ իսկ պատճառով նա 27-ժամյա շրջագայություն է սկսում Բաթումիից:

Վաշաձեի խոսքով, 27 ժամվա ընթացքում հնարավորինս շատ մարդկանց կհանդիպի և նրանց կներկայացնի նախընտրական ծրագիրը:

Կուսակցության վարչապետի թեկնածուի խոսքով, «Ռազմավարություն Աղմաշենեբելի» կուսակցությունը հաղթանակի ճանապարհին է:

«Ընտրություններին շատ քիչ ժամանակ է մնացել, և շատ շրջաններ ցանկանում են որ այցելեմ նրանց մոտ, զրուցենք, պլանավորենք, հանդիպենք բնակչությանը և էլի շատ բան ունենք հասցնելու: Այնպես որ, որոշել եմ ընտրարշավի ընթացքում սկսել 27-ժամյա շրջագայություն: Այս 27 ժամվա ընթացքում մենք կհանդիպենք շատ աջակիցների, քաղաքացիների, շատ մարդկանց հետ, ովքեր ցանկանում են հանդիպել մեզ հետ և զրուցել մեր կամավորների հետ: Շատերը հարց կտան. Ինչու 27 ժամ, և ոչ թե 24, քանի որ 27-ը «Ռազմավարություն Աղմաշենեբելիի» ընտրական համարն է, այսինքն, մենք բոլորս պետք է գծենք 27 համարը, որպեսզի սկսվի շինարարությունը և հաղթենք աղքատությունը: Այս 27 ժամվա ընթացքում ես կփորձեմ հնարավորինս շատ շրջաններ այցելել, հնարավորինս շատ մարդկանց տեսնել, հնարավորինս շատ մարդկանց բացատրել և պարզաբանել մեր ծրագիրը և ասել նրանց, որ Վրաստանը մեծ հեռանկարներ ունի, և այդ հեռանկարները վերակառուցման ճանապարհին են:

Առաջին իսկ օրվանից, երբ ստեղծեցինք մեր քաղաքական հարթակը, մեր հիմնական նպատակն էր հնարավորինս շատ մարդկանց միավորել գործի շուրջ: Մենք հրաժարվեցինք առերեսվելուց և առավելագույն համախմբվեցինք գործի շուրջ: Սա է «Ռազմավարություն Աղմաշենեբելիի» բովանդակությունը: Մենք ունենք բազմաթիվ ծրագրեր և ծրագրեր, սակայն ամենակարևորն է, մենք ունենք անսպառ էներգիա, որ աշխատենք օր ու գիշեր, որ երկիրը առաջ տանենք: Ժամը մեկ անգամ մեր ակտիվության մասին կտեղեկանաք ֆեյսբուք լայվի միջոցով: Մենք պետք է ճանապարհորդենք ամբողջ Վրաստանով: «Ռազմավարություն Աղմաշենեբելին» հաղթանակի ճանապարհին է, և ունի ձեր աջակցության հույսը:

Մենք Բաթումիից գնում ենք Օզուրգեթի, որտեղ հանդիպելու ենք մեր կամավորների և բնակչության հետ: Ժամը 15:00-ին մենք մեծ միջոցառում կունենանք Քութաիսիում: Ժամանակն է ցույց տանք մեր էներգիան, թե ինչ կարող ենք անել մեր երկրի համար»,- հայտարարել է Գիորգի Վաշաձեն:

Տեղեկատվությունը տարածում է «Գիորգի Վաշաձե-ռազմավարություն Աղմաշենեբելիի» մամուլի ծառայությունը: