«Եթե մեր օդային տարածքում ևս մեկ հրթիռ մուտք գործի կամ բեկորներ ընկնեն ՆԱՏՕ-ի տարածքում, մի՛ գաք այստեղ դժգոհություններով, դուք նախազգուշացված եք» — այս մասին հայտարարեց Լեհաստանի արտգործնախարար Ռադոսլավ Սիկորսկին ՄԱԿ-ի Անվտանգության խորհրդի նիստում իր ելույթի ժամանակ։

Սիկորսկին հիշեցրեց նախորդ միջադեպը, որի ընթացքում ռուսական անօդաչու սարքեր ներխուժել էին Լեհաստանի օդային տարածք և մի «խնդրանքով» դիմեց Ռուսաստանի կառավարությանը։

«Եթե ևս մեկ հրթիռ կամ այլ օբյեկտ մուտք գործի մեր օդային տարածք՝ միտումնավոր թե պատահաբար, և խոցվի ու նրա բեկորները ընկնեն ՆԱՏՕ-ի տարածքում, մի՛ գաք այստեղ բողոքներով։ Դուք նախապես նախազգուշացված եք», — շեշտեց Սիկորսկին։

Հիշեցնենք, որ ՄԱԿ-ի Անվտանգության խորհրդի արտակարգ նիստը հրավիրվել էր՝ կապված Էստոնիայի օդային տարածք երեք ռուսական ռազմական ինքնաթիռների ներխուժման հետ։