«Վրաստանը ունի բարդ հարևանություն: Այնտեղ կարելի է տեսնել ռուսական առջին, որը չունի բարեկամական տրամադրվածություն»,-այս հայտարարությունը ամերիկացի կոնգրեսմեն Տեդ Պոն արել է, Վրաստանի խորհրդարանի նախագահին պատվին Կոնգրեսում կայացած ընդունելության ժամանակ:

Թեխասցի կոնգրեսմենը և Վրաստանի բարեկամների խմբի ղեկավարը, ով կոնգրեսում Վրաստանին աջակցող բազմաթիվ բանաձևերի համահեղինակ է և նախաձեռնող, Վրաստանի խորհրդարանի նախագահին մեկ անգամ ևս հաստատել է երկրի տարածքային ամբողջականության և ինքնիշխանության նկատմամբ աջակցությունը և դատապարտել Վրաստանի տարածքային բռնագրավումը:

«Ռուսաստանը և Պուտինը, ցանկանում է, ունենալ քաղաքական և, կարծում եմ, տարածքային հսկողություն նախկին խորհրդային միության հանրապետություններում: Նա այս ուղղությամբ է շարժվում և մենք պետք է լինենք վստահ, որ նա այս ամենին չի հասնի: Այդ վերահսկողության համար պետք է իրեն ենթարկի նախկին խորհրդային միության երկրները, և առաջինը ինչ որ արեց դա Վրաստան ներխուժելն էր, քանզի Վրաստանը տարածաշրջանում ժողովրդավարական զարգացմամբ շատ հայտնի է, իսկ եթե նա իրեն կենթարկեր Վրաստանը, ապա բոլոր երկրները միանգամից կենթարկվեին Ռուսաստանին: Հենց դա է պատճառը, որ մենք դա թույլ չենք տալու և աջակցելու ենք Վրաստանին»,-ասել է Պոն:

Կոնգրեսականը մի քանի անգամ ընդգծել է, որ Ռուսաստանը բռնագրավել է Վրաստանի տարածքները:

«Ես Վրաստան եմ այցելել 2008 թվականի օգոստոսին, տեսել եմ ռուսական տանկերը: Ռուսները դեռևս չեն լքել ձեր երկիրը: ԱՄՆ-ի քաղաքականությունը հետևյալն է՝ Ռուսաստանը բռնազավթել է Վրաստանի տարածքները և այդ քաղաքականությունը չի փոխվելու քանի դեռ նրանք իսկապես չեն գնա ձեր տարածքներից»,-նշել է կոնգրեսականը:

Խոսքով ելույթ ունենալու ժամանակ նա զրուցել է նաև Վրաստանում ընթացող գործընթացների և ժողովրդավարության հաստատման մասին և նշել, որ ԱՄՆ-ն մնում է Վրաստանի հստակ աջակցողը և ռազմավարական գործընկերը: