Ռուսաստանի գործող նախագահի օգտին քվեարկած ընտրողների թիվը գերազանցել են 75 տոկոսը՝ տեղամասային ընտրական հանձնաժողովների արձանագրությունների 50 տոկոսն ամփոփելուց հետո։
Համաձայն Կենտրոնական ընտրական հանձնաժողովի հրապարակած նախնական տվյալների՝ Պուտինի օգտին է քվեարկել 21,9 մլն մարդ, որը կազմում է ձայների 75,01 տոկոսը։
Կոմունիստական կուսակցության թեկնածու Պավել Գրուդինինը տեղամասային ընտրական հանձնաժողովների արձանագրությունների 50 տոկոսի ամփոփումից հետո զբաղեցրել է երկրորդ տեղը՝ ձայների 13,39 տոկոսով, իսկ երրորդ տեղում Ռուսաստանի Լիբերալ-դեմոկրատական կուսակցության նախագահ Վլադիմիր Ժիրինովսկին է՝ ձայների 6,34 տոկոսով։
Առաջին շնորհավորանքը արտերկրից Վլադիմիր Պուտինը ստացել է Սերբիայի նախագահից և վարչապետից: Նրանք շնորհակալություն են հայտնել Վլադիմիր Պուտինին այն ջանքերի համար, որի շնորհիվ պահպանվել են ռուս-սերբական ջերմ հարաբերությունները:
Վլադիմիր Պուտինին առաջիններից շնորհավորել է նաև Չեչնիայի առաջնորդ Ռամզան Կադիրովը:
Ռուսաստանի նախագահը շնորհավորանքներ է ստացել նաև Բոլիվիայի, Վենեսուելայի, Ղազախստանի և Կուբայի առաջնորդներից: Վլադիմիր Պուտինին շնորհավորել է նաև բռնազավթված Աբխազիայի տարածաշրջանի դե-ֆակտո լիդեր Ռաուլ Խաջիմբան:
Ռուսաստանի նախագահական ընտրությունների անցկացումը Ղրիմի թերակղզում անօրեն է համարել ՈՒկրաինայի նախագահ Պետրո Պորոշենկոն: Նրա խոսքերով, միակ նախագահը ում կարող է ընտրել Ղրիմի բնակչությունը, դա ՈՒկրաինայի նախագահն է:
Հեղինակ -
Edgar Barsegyan