Պրահայում մասշտաբային բողոքի ցույց է անցկացվել վարչապետի հրաժարականի պահանջով

13:50, 05.06.2019

Պրահայում անցկացվել է վերջին 30 տարվա ընթացքում ամենամասշտաբային ցույցը: Ցուցարարները պահանջել են վարչապետ Անդրեյ Բաբիշիի հրաժարականը:

Կազմակերպիչների տվյալներով, հանրահավաքին մասնակցել է մոտ 120 հազար մարդ: Համապատասխանաբար, սա 1989 թվականի Թավշյա հեղափոխությունից հետո ամենաբազմամարդ բողոքի ցույցն էր:

Անդրեյ Բաբիշիի դեմ բողոքի ցույցեր են անցկացվում ապրիլից հետո, պարբերաբար:

Միլիարդատեր Անդրեյ Բաբիշիին մեղադրում են 2007 թվականին Եվրամիության կողմից փոքր բիզնեսի աջակցության համար հատկացված սուբսիդիաները իր հոլդինգի համար օգտագործելու մեջ:

Հեղինակ - Anna Badalian

Միջազգային

Բողոքի ցույց

Պրահա