«Politico» – Իսլանդիայի ափերի մոտ ՆԱՏՕ-ի զորավարժություններն առաջին անգամ անցկացվել են առանց ԱՄՆ-ի մասնակցության
Screenshot
Ըստ Politico-ի՝ ՆԱՏՕ-ի ամենամյա «Հյուսիսային Վիկինգ» զորավարժությունները, որոնք տասնամյակներ շարունակ անցկացվում են, 2026 թվականի օգոստոսին անցկացվել են առաջին անգամ առանց ամերիկյան նավերի և ինքնաթիռների մասնակցության։
Հրապարակման համաձայն՝ զորավարժություններին մասնակցել են գերմանական հետախուզական ինքնաթիռներ, կանադական ռազմանավեր և բելգիական ականակիրներ։
«Զորավարժությունների հրամանատարությունը փոխանցվել է ֆրանսիացի սպայի։ Դաշնակիցները ցանկանում էին ցույց տալ և՛ ՆԱՏՕ-ի երկրներին, և՛ Ռուսաստանին, որ Եվրոպան կարող է պաշտպանել մայրցամաքը և գործել Հյուսիսատլանտյան օվկիանոսում՝ առանց ամերիկյան առաջնորդության», – գրել է Politico-ն։
Հոդվածի համաձայն՝ Միացյալ Նահանգները լիովին չի դադարեցրել կղզում գործողությունների աջակցությունը, և ամերիկյան ռազմական կապալառուները նոր օբյեկտներ են կառուցում Կեֆլավիկ օդանավակայանի ռազմական կողմում։ Ամերիկյան կողմը նաև դաշնակիցներին օգնություն է ցուցաբերել զորավարժությունների պլանավորման հարցում։
Հրապարակումը նաև գրում է, որ Իսլանդիան գտնվում է այն երթուղու կենտրոնում, որով Ռուսաստանի ռազմածովային ուժերը կարող են տեղակայել իրենց գաղտնի միջուկային սուզանավերը Կոլի թերակղզու բազաներից մինչև Ատլանտյան օվկիանոս։