Մեր ցանկությունն է, որ Եվրամիությունն ավելի ներգրավված լինի տարածաշրջանում ընթացող գործընթացներում, – այս մասին հայտարարել է Վրաստանի արտաքին գործերի նախարար Դավիթ Զալկալիանին:

Դավիթ Զալկալիանիի խոսքով, Վրաստան-Եվրամիություն ասոցացման խորհրդի այսօրվա նիստում կքննարկվեն մի շարք թեմաներ:

«Անվտանգության և տարածաշրջանում ընթացող գործընթացների առումով մենք ցանկանում ենք, որ Եվրամիությունը էլ ավելի ներգրավված լինի տարածաշրջանում ընթացող գործընթացներում, քանի որ նախկին իրավիճակը, մինչ այժմ զարգացումները ցույց տվեցին, որ ցանկալի է Եվրամիության էլ ավելի ներգրավածությունը: Փաստն այն է, որ Վրաստանն այսօր տարածաշրջանում Եվրամիության միակ ամենամոտ դաշնակիցն ու հենարանն է, և նրանց աջակցության կարիքը մենք ունենք, ինչպես երբեք: Այսպիսով, թեմաները, որոնց մասին մենք խոսելու ենք. Իհարկե իրավիճակը բռնազավթված տարածքներում, տարածաշրջանում ենթակառուցվածքային նախագծերը, աշխարհաքաղաքական կարևոր նախագծերը, ինչպես է դա գործում այս նոր միջավայրում: Նաև «կովիդ»-ի վերաբերյալ, որը պակաս կարևոր չէ, քանի որ մենք լուրջ մարտահրավերներ ունենք «կովիդ»-ի դեմ պայքարի առումով: Պատվաստանյութերի նույն թեման, որը ոչ միայն Վրաստանի խնդիրն է: Դուք այստեղ եք Եվրոպայում և տեսնում եք իրավիճակը: Նաև տնտեսական մարտահրավերները: Մենք պետք է սկսենք դանդաղորեն բացել տնտեսությունը: Այնպես որ, դա շատ բարդ օրակարգ է, և մենք իսկապես ցանկանում ենք, որ այս բոլոր գործընթացներն ընթանան հետևողական ճանապարհով, որպեսզի երկրի ներքին գործընթացները չհակասեն մեր առջև ծառացած մարտահրավերներին», – հայտարարել է Դավիթ Զալկալիանին: