Պետական տեսուչը ուսումնասիրություն է սկսել Սաակաշվիլիի հետ կապված լուսանկարների և տեսանյութերի ձեռքբերման և հրապարակման օրինականության վերաբերյալ
Այսօր՝ նոյեմբերի 6-ին, պետական տեսուչի ծառայությունը հայտարարություն է տարածել Հատուկ քրեակատարողական ծառայության կողմից նախկին նախագահ Միխեիլ Սաակաշվիլիի հետ կապված լուսանկարների ու տեսանյութերի հրապարակման վերաբերյալ։
Հայտարարության մեջ ասվում է, որ պետական տեսչությունը սկսել է ուսումնասիրել Սաակաշվիլիի հետ կապված լուսանկարների ու տեսանյութերի ձեռքբերման և հրապարակման օրինականությունը։
«Տեսանյութում երեւում է, թե ինչպես է Վրաստանի երրորդ նախագահ Միխեիլ Սաակաշվիլին շրջապատված բժշկական անձնակազմով։ Ծառայության հայտարարության համաձայն, տեսագրության մեջ երեւում է, որ Միխեիլ Սահակաշվիլին տարբեր ժամանակներում սնունդ ու բնական հյութեր է ընդունում, իսկ լուսանկարներում երևում է Միխեիլ Սահակաշվիլիի ստացած սննթամթերքը։
Պետական տեսուչի աշխատակազմը սկսել է վերոնշյալ լուսանկարների և տեսանյութերի ձեռքբերման և հրապարակման օրինականության ուսումնասիրությունը։
Պետական տեսուչը, ստուգման մեկնարկին զուգահեռ, նշում է, որ անհրաժեշտ է հացադուլ հայտարարած անձի անձնական կյանքի անձեռնմխելիության պաշտպանությունը։ Ազատազրկված անձը պետք է վստահություն ունենա այն հաստատության և բուժանձնակազմի նկատմամբ, որտեղ նա գտնվում է և ումից ստանում է բժշկական օգնություն:
Հակառակ դեպքում նա կարող է ձեռնպահ մնալ բժշկական օգնություն ստանալուց, բուժանձնակազմին կարևոր տեղեկատվություն տրամադրելուց, որը վտանգում է իր կյանքը և առողջությունը», – ասված է պետական տեսչության հաղորդագրության մեջ։