ԱՄՆ-ի, Մեծ Բրիտանիայի և Ֆրանսիայի զինված ուժերը հրթիռակոծել են Սիրիայում հատուկ ընտրված թիրախները:

Միացյալ Նահանգների զինված ուժերի միավորված շտաբերի ղեկավար, գեներալ Ջոզեփ Դանֆորդի հայտարարությամբ, թիրախներից մեկը հանդիսացել է հետազոտությունների կենտրոնը, որտեղ ընթանում էին քիմիական զենքի վրա աշխատանքները, իսկ երկրորդ նշանակետը քիմիական զենքի պահեստն էր:

Ամերիկայի Միացյալ Նահանգների նախագահ, Դոնալդ Թրամփը այսօր հայտարարել է, որ Դումայում քիմիական զենքով հնարավոր հարձակմանը ի պատասխան, հրաման է արձակել Սիրիայի վրա հրթիռային հարվածներ հասցնելու կապակցությամբ:

«Ես հրամայել եմ ԱՄՆ-ի զինված ուժերին հրթիռային հարվածներ հասցնել ընտրված թիրախների վրա, որոնք կապված են Սիրիայի դիքտատոր Բաշար Ասադի քիմիական զենքի հետ»,-հայտարարել է Թրամփը:

Սիրիայի իշխանությունների դեմ օպերացիային միացել են նաև Մեծ Բրիտանիան և Ֆրանսիան: ԱՄՆ-ի նախագահ Դոնալդ Թրամփի հայտարարություններից հետո, Սիրիայի մայրաքաղաք Դամասկոսում լսվել են պայթյունի ձայներ: Զոհերի և տուժածների մասին առայժմ լրատվություն չկա: Սոցիալական ցանցերում ականատեսները տեղադրել են նկարահանված նյութեր:

Here's video from the #Tomahawk launches against #Syria. For more on the story, visit https://t.co/2GprTQGGjs. pic.twitter.com/kB3gbBy4ma

— U.S. Dept of Defense (@DeptofDefense) April 7, 2017

Aftermath video of Damascus #Syria pic.twitter.com/JmU4CfwCUg

— Arturas Kerelis (@arturaskerelis) April 14, 2018