Մեծ Բրիտանիայի մեղադրանքը, որ քիմիական զենքի տեսուչներին հնարավորություն չի տրվում մտնել Սիրիայի Դումա քաղաք, անհիմն է. Դիմիտրի Պեսկով
Մեծ Բրիտանիայի մեղադրանքը, որ քիմիական զենքի տեսուչներին հնարավորություն չի տրվում մտնել Սիրիայի Դումա քաղաք, անհիմն է,-այս մասին հայտարարություն է արել, Ռուսաստանի նախագահի մամլո խոսնակ, Դիմիտրի Պեսկովը:
Նրա խոսքերով, Ռուսաստանը մշտապես աջակցում էր և աջակցում է հնարավոր քիմիական հարձակման հետաքննությանը:
Քիմիական զենքի արգելքի կազմակերպությունում բրիտանական պատվիրակության անդամները հայտարարում են, որ Ռուսաստանը և Սիրիան մինչև այժմ չեն արտոնագրել տեսուչների մուտքը դեպքի վայր:
Պեսկովը խոսել է նաև ԱՄՆ-ի գլխավորությամբ Սիրիայում իրականացրած ավիահարվածների մասին: Նրա գնահատմամբ, դա միջազգային իրավունքի ևս մեկ խախտում էր և ագրեսիայի ակտ: