«Մզիա Ամաղլոբելիի գործը ցավալի է, նրան սպառնում է մինչև յոթ տարվա ազատազրկում։ Պետք է սպասենք դատական գործընթացի ավարտին։ Մենք բոլորս ուշադիր հետևում ենք և հուսով ենք, որ արդարությունը կհաստատվի», — այս մասին հայտարարել է Վրաստանում ԵՄ դեսպան Պավել Հերչինսկին։

Նրա խոսքով՝ Վրաստանում բազմաթիվ ակտիվիստների, քաղաքական գործիչների ու քաղաքացիների նկատմամբ կայացվում են չափազանց անհամաչափ դատավճիռներ։

«Ես ներկայացնում եմ ԵՄ-ի դիրքորոշումը Վրաստանում, որը մշտապես պաշտպանում է խաղաղությունն ու երկխոսությունը։ Մենք անկեղծորեն հուսով ենք, որ Վրաստանում այս պահին եղած խոր քաղաքական ճգնաժամը կլուծվի խաղաղ և երկխոսության միջոցով՝ հիմնված վրաց ժողովրդի բացարձակ մեծամասնության կամքի վրա, որ Վրաստանը դառնա ԵՄ անդամ։ Միևնույն ժամանակ, ԵՄ-ն ամուր կանգնած է արժեքների, ազատության, ժողովրդավարության և մարդու իրավունքների պաշտպանության դիրքերում։ Այս արժեքները բանակցության ենթակա չեն։

Վրաստանում մենք տեսնում ենք բազմաթիվ ակտիվիստների, քաղաքական գործիչների նկատմամբ կիրառվող ծայրահեղ անհամաչափ դատավճիռներ, և Մզիա Ամաղլոբելիի գործը իսկապես ցավալի է։ Նա՝ բարձրագույն լրագրողական ստանդարտների կրող, արդեն շուրջ կես տարի պահվում է կալանքի տակ, նրան սպառնում է մինչև յոթ տարվա ազատազրկում։ Նա միշտ քննադատաբար է արտահայտվել բոլոր իշխանությունների վերաբերյալ։ Այն, ինչ նա արել է, ոչ մի կերպ չի համապատասխանում հնարավոր դատավճռին։ Մենք պետք է սպասենք դատավարության ավարտին։ Դուք արդեն տեսաք երկու օր առաջ Եվրախորհրդարանի ընդունած բանաձևը։ Մենք բոլորս ուշադիր հետևում ենք և հուսով ենք, որ արդարությունը կհաստատվի», — նշել է Հերչինսկին։

Նրա խոսքով՝ ԵՄ-ն ցանկանում է, որ Վրաստանը լինի ժողովրդավարական երկիր, որտեղ օրենքի գերակայությունը պահպանված է, և մարդիկ ունեն խոսքի ու հավաքների ազատություն։

«ԵՄ-ն ցանկանում է, որ Վրաստանը լինի ժողովրդավարական երկիր, որտեղ օրենքի գերակայությունը պահպանվում է, որտեղ մարդիկ ունեն խոսքի ազատություն, հավաքների ազատություն, և որ երկիրը մոտենա ԵՄ-ին՝ դառնալու լիարժեք անդամ։ Դա իրականացնելու համար Վրաստանում պետք է պահպանվեն մարդու իրավունքները, օրենքի գերակայությունը, հիմնարար ազատությունները՝ խոսքի և հավաքների ազատությունը», — հավելել է Պավել Հերչինսկին։