Պավել Հերչինսկի. Դեռ ժամանակ կա առաջ գնալու և համոզվելու, որ բարեփոխումները, որոնք շատ բարդ են և մարտահրավերներով լի, լավ առաջընթաց ունեն
Վրաստանում Եվրամիության դեսպան Պավել Հերչինսկու խոսքով՝ Եվրամիությունը աջակցում է Վրաստանում բարեփոխումներին, այդ թվում՝ արդարադատության ուղղությամբ։
Նրա խոսքով, առաջընթացը կգնահատվի ընդլայնման զեկույցում, ինչպես նաև Եվրամիության անդամ 27 երկրների կողմից։ Ինչպես նշել է Պավել Հերչինսկին, դեռ ժամանակ կա առաջ գնալու համար։
«12 առաջնահերթություններից են նաև պրոֆեսիոնալիզմը, դատավորների լիակատար անկախությունը, շատ ուժեղ և առողջ դատական համակարգ։ Մենք աշխատում ենք Վրաստանի հետ, Վրաստանի արդարադատության նախարարության հետ՝ ներկայացնելու իրենց բարեփոխումները։ Խորհրդարանում աշխատանքներ են տարվում նաև դատաիրավական բարեփոխումների ուղղությամբ։ Եվրամիությունը միշտ աջակցում է այդ բարեփոխումներին։ Ձեռք բերված առաջընթացը կգնահատվի այս տարվա հոկտեմբերին ընդլայնման զեկույցում, այնուհետև 27 անդամ երկրները կգնահատեն Վրաստանի առաջընթացը, այդ թվում՝ արդարադատության բարեփոխումների առումով։ Այնպես որ, դեռ ժամանակ կա առաջ գնալու և համոզվելու, որ բարեփոխումները, որոնք շատ բարդ են և մարտահրավերներով լի, լավ առաջընթաց ունեն»,- ասել է Պավել Հերչինսկին։