Վրաստանի վարչապետ Իրակլի Ղարիբաշվիլիի հայտարարությամբ, ինքը պատրաստ է այսօր հանդիպում անցկացնել ընդդիմության հետ: Ղարիբաշվիլին շնորհակալություն է հայտնել Եվրոպական խորհրդի նախագահին հանդիպման նախաձեռնության համար:

«Ես ուզում եմ արձագանքել Շառլ Միշելի հնչեցրած փայլուն նախաձեռնությանը, որը վերաբերում է իմ ու ընդդիմության հնարավոր հանդիպմանը: Ես ուզում եմ հրապարակավ հաստատել. Ես պատրաստ եմ մասնակցել այս հանդիպմանը: Ես կցանկանայի վերահաստատել իմ պատրաստակամությունը մեր թիմի անունից, որ մենք ամեն ինչ անելու ենք կոնկրետ քայլեր ձեռնարկելու համար, որպեսզի լիցքաթափենք իրավիճակը և կազմակերպենք իրական, կառուցողական երկխոսությում: Ես ուզում եմ շնորհակալություն հայտնել պարոն նախագահին այս նախաձեռնության համար», – հայտարարել է Իրակլի Ղարիբաշվիլին:

Եվրոպական խորհրդի նախագահ Շառլ Միշելը վարչապետ Իրակլի Ղարիբաշվիլիի հետ մամուլի ասուլիսում ասաց, որ այսօր երեկոյան կայանա ընդդիմության և իշխանությունների միջև  հանդիպում:

«Ես հրավիրում եմ բոլորին հանդիպել այս երեկո, ժամանակն է անցնել ֆասիլիտատորությունից մեդիացիայի», – ասել է Շառլ Միշելը: