ՊԱԾ-ը «կովիդ 19»-ի դեմ պատվաստանյութով պատվաստումը հաստատող կեղծ փաստաթղթերի պատրաստման համար ձերբակալել է յոթ մարդու

15:21, 31.08.2021

Վրաստանի պետական անվտանգության ծառայության հակակոռուպցիոն գործակալության աշխատակիցները օպերատիվ-հետախուզական գործողությունների արդյունքում կեղծ փաստաթուղթ պատրաստելու և իրացնելու փաստով ձերբակալել են 7 մարդու:

ՊԱԾ-ի հաղորդմամբ, հետաքննությունը պարզել է, որ մեղադրյալներից չորսը 350 եվրոյի դիմաց պատրաստել և Վրաստանի քաղաքացուն են հանձնել «կովիդ 19»-ի դեմ «Փայզեր» պատվաստանյութով պատվաստվելու կեղծ փաստաթուղթը, իսկ նրանցից երեքը ստացել են 400 լարի և պատրաստել ու Վրաստանի քաղաքացուն են հանձնել կեղծ փաստաթուղթ, որը հաստատում է «Սինոֆարմ»-ի պատվաստումը:

Հետաքննությունն ընթանում է Վրաստանի քրեական օրենսգրքի 362-րդ հոդվածի առաջին մասով:

Հետաքննությունը վարում է Պետական անվտանգության ծառայության հակակոռուպցիոն գործակալությունը:

Հեղինակ - edgar barsegyan

Իրավական

ՊԱԾ