Պարեկային ոստիկանության վարչությունը հյուրընկալում է Հայաստանի Հանրապետության ազգային անվտանգության ծառայության սահմանապահ զորքերի պատվիրակությանը
ՆԳ նախարարության պարեկային ոստիկանության վարչության տնօրեն Լևան Մաիսուրաձեն ընդունել է Հայաստանի Հանրապետության ազգային անվտանգության ծառայության սահմանապահ զորքերի հրամանատար Գարիկ Մուրադյանին, որը պաշտոնական այցով գտնվում է Վրաստանում։
ՆԳ նախարարության հաղորդմամբ, հանդիպման շրջանակներում Լևան Մաիսուրաձեն հյուրերին մանրամասն տեղեկություններ է տրամադրել Պարեկային ոստիկանության վարչության գործունեության մասին։ Նրանց խոսքով՝ կողմերը քննարկել են նաև գերատեսչությունների միջև համագործակցության հիմնական ուղղությունները։
«Պատվիրակության անդամները զննել են պարեկային ոստիկանության ավտոպարկը և սարքավորումները, ինչպես նաև այցելել են Պարեկային ոստիկանության միասնական ծառայության կենտրոն, որտեղ ծանոթացել են կենտրոնի գործունեության առանձնահատկություններին և քաղաքացիներին տեղում սպասարկելու գործընթացին», – ասվում է ՆԳ նախարարության հաղորդագրության մեջ։