«Ռազմավարության Աղմաշենեբելի»-ի առաջնորդ Գիորգի Վաշաձեն կվճարի 50,000 լարի գրավ։ Այս մասին Պալիտրանյուսին ասել է կուսակցության առաջնորդներից մեկը՝ Պաատա Մանջգալաձեն։ Ինչպես հաղորդում է Interpressnews-ը, Մանջգալաձեն հայտարարել է, որ Վաշաձեի գրավի վճարման որոշումը կայացվել է կուսակցության քաղաքական խորհրդում։

Գիորգի Վաշաձեի նկատմամբ որպես խափանման միջոց կիրառվել է 50,000 լարի գրավ՝ ժամանակավոր քննչական հանձնաժողովին չներկայանալու գործով ապրիլի 23-ին։ Դատարանը Վաշաձեին 30 օր ժամանակ տվեց գրավը վճարելու համար։

Տեղեկատվության համար նշենք, որ Գիորգի Վաշաձեն ապրիլի 15-ին կանչվել էր Վրաստանի խորհրդարանում ստեղծված ժամանակավոր քննչական հանձնաժողովի կողմից, սակայն Վաշաձեն չէր ներկայացել նիստին, որից հետո նրան կանչել էին դատախազություն՝ ցուցմունք տալու համար։

Գիորգի Վաշաձեին մեղադրանք է առաջադրվել Քրեական օրենսգրքի 349-րդ հոդվածով, որը վերաբերում է «Վրաստանի խորհրդարանի ժամանակավոր քննչական հանձնաժողովի խնդրանքը չկատարելուն»։ Վերոնշյալը պատժվում է տուգանքով կամ ազատազրկմամբ՝ մինչև մեկ տարի ժամկետով, կամ պաշտոն զբաղեցնելու կամ գործունեությամբ զբաղվելու իրավունքից զրկելով՝ մինչև երեք տարի ժամկետով։