Մենք շատ զգույշ ենք վերաբերում բացման խնդրին, – այս մասին հայտարարել է Հիվանդությունների վերահսկման ազգային կենտրոնի ղեկավարի տեղակալ Պաատա Իմնաձեն:

«Հուսալի ու լավ նշանն այն է, որ վերջին ամիսներին առաջին անգամ դրական ցուցանիշը իջել է ութ տոկոսի: Դա նշանակում է, որ արվել է ավելի քան 19,000 թեստ, որոնցից դրականը մոտ ութ տոկոսն է: Առաջին անգամն է, որ թեստավորումներից դրական ելքը իջել է տասը տոկոսից: Սա հուսալի ցուցանիշ է: Բայց ինքնին, երբ վարակման ցուցանիշը 1600 է, չմոռանանք, որ երկու ամսվա ընթացքում մոտ 100-200 դեպքից հասել ենք հինգ հազարի: Ուստի մենք պետք է շատ զգույշ լինենք և վստահ լինենք, որ փետրվարի մեկից, երբ բիզնեսը կբացվի, դա մեզ չի վերադարձնի օրական հինգ հազարի ցուցանիշը», – ասաց Իմնաձեն:

Միևնույն ժամանակ, Պաատա Իմնաձեն հույս ունի, որ կկարողանան խուսափել կորոնավիրուսի երրորդ ալիքից, ինչպես դա եղավ առաջին ալիքի դեպքում:

«Մենք փորձում ենք խուսափել երրորդ ալիքից, որը, ցավոք, շատ երկրներում է, ինչպես մեզ հաջողվեց անել, եւ գործնականում խուսափեցինք առաջին ալիքից: Հուսով եմ, որ դա մեզ մոտ կստացվի: Հուսով եմ, եթե մենք հետեւենք կանոններին, երրորդ ալիքը մեզ համար շատ կործանարար չի լինի », – ասաց Պաատա Իմնաձեն: